قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №411

2015 جىلعى 25 جەلتوقسان, استانا قالاسى قازاقستان رەسپۋبليكاسى مەملەكەتتىك ارحيۆ مەكەمەلەرىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارىن بەكىتۋ تۋرالى قازاقستان رەسپۋبليكاسى ەڭبەك كودەكسىنىڭ 139-بابى 7-تارماعىنا سايكەس مەملەكەتتىك ارحيۆ مەكەمەلەرى قىزمەتكەرلەرىنىڭ كاسىبي جانە بىلىكتىلىك دايىندىعى دەڭگەيىن, ىسكەرلىك قاسيەتىن ايقىنداۋ ماقساتىندا بۇيىرامىن: 1. قوسا بەرىلىپ وتىرعان قازاقستان رەسپۋبليكاسى مەملەكەتتىك ارحيۆ مەكەمەلەرىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى بەكىتىلسىن. 2. «مەملەكەتتىك مۇراعاتتار قىزمەتكەرلەرىن اتتەستاتسيالاۋدان وتكىزۋ قاعيداسىن بەكىتۋ تۋرالى» قازاقستان رەسپۋبليكاسى مادەنيەت جانە اقپارات ءمينيسترىنىڭ 2013 جىلعى 15 شىلدەدەگى №159 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2013 جىلعى 05 تامىزدا №8606 تىركەلگەن, «ەگەمەن قازاقستان» گازەتىنىڭ 2013 جىلعى 17 تامىزداعى №192 (28131) سانىندا جاريالانعان) كۇشى جويىلدى دەپ تانىلسىن. 3. مۇراعات ءىسى جانە قۇجاتتاما دەپارتامەنتى (د.س.مۇقاتاەۆ) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىنا جانە «ادىلەت» اقپاراتتىق-قۇقىقتىق جۇيەسىندە, سونداي-اق قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا رەسمي جاريالاۋعا ونىڭ كوشىرمەلەرىن باسپا جانە ەلەكتروندى تۇردە جىبەرىلۋىن; 3) وسى بۇيرىقتى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە وسى بۇيرىقتىڭ وسى تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردى ورىنداۋ تۋرالى مالىمەتتەردى ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن. 5. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگiزiلەدi. مينيستر ا.مۇحامەدي ۇلى. قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 25 جەلتوقسانداعى №411 بۇيرىعىمەن بەكىتىلگەن قازاقستان رەسپۋبليكاسى مەملەكەتتىك ارحيۆ مەكەمەلەرىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسى مەملەكەتتىك ارحيۆ مەكەمەلەرىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارى (بۇدان ءارى – قاعيدا) 2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ 139-بابى 7-تارماعىنا سايكەس ازىرلەنگەن. 2. قاعيدا قازاقستان رەسپۋبليكاسىنىڭ مەملەكەتتىك ارحيۆ مەكەمەلەرىندە جانە ولاردىڭ فيليالدارىندا (بۇدان ءارى – مەملەكەتتىك ارحيۆتەر) جۇمىس ىستەيتىن ازاماتتىق قىزمەتشىلەردى اتتەستاتتاۋدان وتكىزۋ ءتارتىبىن انىقتايدى. 3. مەملەكەتتىك ارحيۆتەردىڭ باسشىلارىن جانە ولاردىڭ ورىنباسارلارىن (بۇدان ءارى – باسشىلار), مەملەكەتتىك ارحيۆتەردىڭ ماماندارىن (بۇدان ءارى – جۇمىسكەرلەر) اتتەستاتتاۋدان وتكىزۋ – ولاردىڭ كاسىپتىك جانە بىلىكتىلىك دايارلىعىنىڭ دەڭگەيىن, ىسكەرلىك قاسيەتتەرىن انىقتاۋ, بىلىكتىلىك ساناتتارىن بەلگىلەۋ بويىنشا جۇيەلى تۇردە جۇزەگە اسىرىلاتىن پروتسەدۋرا. 4. باسشىلاردى اتتەستاتتاۋدان وتكىزۋدى تاعايىن­داعان ارحيۆ ءىسى جانە قۇجاتتاما سالاسىنداعى ۋاكىلەتتى مەملەكەتتىك ورگان نەمەسە ارحيۆ سالاسىنىڭ جەرگىلىكتى اتقارۋشى ورگانى جۇزەگە اسىرادى. جۇمىسكەرلەر جۇمىس ورىندارى بويىنشا اتتەستاتتاۋدان وتەدى. اۋداندىق ارحيۆتەردە جۇمىسكەرلەردىڭ سانى 10 ادامنان كەم بولسا, ءتيىستى وبلىستىڭ مەملەكەتتىك ارحيۆىندە اتتەستاتتاۋدان وتەدى. بۇل جاعدايدا, اتتەستاتتاۋ كوميسسياسىنىڭ قۇرامىنا ءتيىستى اۋدان ارحيۆتەرىنىڭ وكىلدەرى ەنگىزىلەدى. 5. اتتەستاتتاۋدان وتكىزۋ كەزىندە باعالاۋدىڭ نەگىزگى ولشەمى بولىپ جۇمىسكەرلەردىڭ ولارعا جۇكتەلگەن مىندەتتەردى ورىنداۋ قابىلەتى بولىپ تابىلادى. 6. جۇكتى ايەلدەردەن, سونىمەن قاتار ارحيۆ سالاسىندا 20 جىلدان استام ۋاقىت جۇمىس جاساعان تۇلعالاردان باسقا بارلىق جۇمىسكەرلەر اتتەستاتتاۋدان وتۋگە جاتادى. 7. بىلىكتىلىك ساناتتارى (رازريادتار) قازاقستان رەسپۋبليكاسى ەڭبەك كودەكسىنىڭ 16-بابى 16) تارماقشا­سىنا سايكەس ەڭبەك قاتىناستارىن رەتتەۋ سالاسىنداعى ەڭبەك جونىندەگى ۋاكىلەتتى مەملەكەتتىك ورگانمەن بەكىتىلەتىن جۇمىستار مەن جۇمىسشى كاسىپتەرىنىڭ بىرىڭعاي تاريفتىك-بىلىكتىلىك انىقتامالىعىنا, جۇمىسشى كاسىپتەرىنىڭ تاريفتىك-بىلىكتىلىك سيپاتتامالارىنا, باسشىلار, ماماندار جانە باسقا دا قىزمەتشىلەر لاۋازىمدارىنىڭ بىلىكتىلىك انىقتامالىعىنا, سونىمەن قاتار ۇيىمدار باسشىلارى, ماماندارى جانە باسقا دا قىزمەتشىلەرى لاۋازىمدارىنىڭ ۇلگىلىك بىلىكتىلىك سيپاتتامالارىنا سايكەس بەلگىلەنەدى. 8. جۇمىسكەرلەر ازاماتتىق قىزمەتتە بولعان ۋاقىتتىڭ ءاربiر كەزەكتi ءۇش جىل وتكەن سايىن, بiراق وسى لاۋازىمعا ورنالاسقان كۇننەن باستاپ كەمiندە التى اي وتكەننەن كەيiن مەرزiمدە اتتەستاتتاۋدان وتەدi. اتتەستاتتاۋ بەلگىلەنگەن مەرزىم كەلگەن كۇننەن باستاپ التى ايدان اسپايتىن مەرزىمدە وتكىزىلۋى ءتيىس. بالا كۇتىمىنە بايلانىستى دەمالىستا جۇرگەن جۇمىسكەرلەر جۇمىسقا شىققاننان كەيىن التى ايدان سوڭ اتتەستاتتاۋدان وتەدى. 9. جۇمىسكەرلەردى اتتەستاتتاۋدان وتكىزۋ ولاردىڭ بەرگەن وتىنىشتەرى نەگىزىندە مەرزىمىنەن بۇرىن وتكىزۋگە جول بەرىلەدى. 10. اتتەستاتتاۋدان وتكىزۋ كەلەسى كەزەڭدەردى قامتيدى: 1) اتتەستاتتاۋدان وتكىزۋگە دايىندىق; 2) جۇمىسكەرلەردى تەستىلەۋ; 3) اتتەستاتتاۋ كوميسسياسىنىڭ جۇمىسكەرلەرمەن سۇحباتتاسۋ جۇرگىزۋ; 4) اتتەستاتتاۋ كوميسسياسىنىڭ شەشىمىن شىعارۋ. 2. اتتەستاتتاۋدى وتكiزۋ جونiندەگi جۇمىستى ۇيىمداستىرۋ 11. باسشىنىڭ تاپسىرماسى بويىنشا پەرسونالمەن جۇمىس جۇرگىزۋ بويىنشا جاۋاپتى قۇرىلىمدىق بولىمشەسى (بۇدان ءارى - كادر قىزمەتى) جۇمىسكەرلەردى اتتەستاتتاۋدى ۇيىمداستىرادى. اتتەستاتتاۋدان وتكىزۋگە دايىندىققا مىناداي: 1) اتتەستاتتالانۋشىعا قاجەتتى قۇجاتتاردى دايىنداۋ; 2) اتتەستاتتاۋ كەستەسىن ازىرلەۋ; 3) اتتەستاتتاۋ كوميسسياسىنىڭ قۇرامىن ايقىنداۋ; 4) اتتەستاتتاۋدى وتكىزۋ ماقساتى مەن ءتارتىبى بويىنشا ءتۇسىندىرۋ جۇمىسىن ۇيىمداستىرۋ ءىس-شارالارى كىرەدى. 12. كادر قىزمەتى وسى قاعيدانىڭ 8-تارماعىنا سايكەس اتتەستاتتاۋدان وتۋگە ءتيىس جۇمىسكەرلەردى جارتى جىلدا ءبىر رەت ايقىندايدى. 13. باسشى كادر قىزمەتىنىڭ ۇسىنۋىمەن بۇيرىق شىعارادى, سول بۇيرىقپەن اتتەستاتتاۋدان وتەتىن جۇمىسكەرلەر ءتىزىمىن, اتتەستاتتاۋدى وتكىزۋ كەستەسىن جانە اتتەستاتتاۋ كوميسسياسىنىڭ قۇرامىن بەكىتەدى. 14. كادر قىزمەتى اتتەستاتتاۋدى وتكىزۋ مەرزىمى تۋرالى, ونى وتكىزۋدىڭ باستالۋىنا كەمىندە ءبىر اي قالعاندا جۇمىسكەرلەرگە جازباشا حابارلايدى. 15. اتتەستاتتاۋدان وتۋگە ءتيىس جۇمىسكەرلەردىڭ تىكەلەي باسشىسى قىزمەتتىك مىنەزدەمەنى راسىمدەپ, ونى كادر قىزمەتىنە تاپسىرادى. باسشىلارعا قىزمەتتىك مىنەزدەمە ارحيۆ ءىسى جانە قۇجاتتاما سالاسىنداعى ۋاكىلەتتى مەملەكەتتىك ورگانمەن نەمەسە ارحيۆ سالاسىنىڭ جەرگىلىكتى اتقارۋشى ورگانمەن دايىندالادى. 16. قىزمەتتىك مىنەزدەمەدە اتتەستاتتالانۋشىنىڭ كاسىبي جانە بىلىكتىلىك دايىندىعىنا, ىسكەرلىك قاسيەتتەرى مەن قىزمەتتىك جۇمىسىنىڭ ناتيجەلەرىنە نەگىزدەلگەن, وبەكتيۆتى باعاسىن قامتيدى. 17. كادر قىزمەتى اتتەستاتتاۋ كوميسسياسىنىڭ وتىرىسىنا دەيىن كەمىندە ءۇش اپتا بۇرىن جۇمىسكەردى وعان بەرىلگەن قىزمەتتىك مىنەزدەمەمەن تانىستىرادى. 18. جۇمىسكەر وزىنە بەرىلگەن قىزمەتتىك مىنەزدەمەمەن كەلىسپەيتىنى تۋرالى مالىمدەمە جاساۋعا جانە ءوزىن سيپاتتايتىن اقپاراتتى كادر قىزمەتىنە ۇسىنۋعا قۇقىلى. 19. اتتەستاتتالانۋشى جۇمىسكەرگە كادر قىزمەتى وسى قاعيدانىڭ 1-قوسىمشاسىندا بەرىلگەن نىسانعا سايكەس اتتەستاتتاۋ پاراعىن رەسىمدەيدى. 20. كادر قىزمەتى جيناقتالعان اتتەستاتتاۋ ماتەريالدارىن اتتەستاتتاۋ كوميسسياسىنا جولدايدى. 3. اتتەستاتتاۋ كوميسسياسى 21. اتتەستاتتاۋ كوميسسياسى (بۇدان ءارى – كوميسسيا) باسشىمەن قۇرىلادى, مۇشەلەرىنىڭ تاق سانىنان جانە كوميسسيا حاتشىسىنان تۇرادى. كوميسسيانىڭ قۇرامىنا كوميسسيا توراعاسى, توراعانىڭ ورىنباسارى جانە مۇشەلەرى ەنگىزىلەدى. توراعا جانە توراعانىڭ ورىنباسارى كوميسسيا مۇشەلەرىنىڭ ىشىنەن تاعايىندالادى. 22. باسشىلاردى اتتەستاتتايتىن كوميسسيا ارحيۆ ءىسى جانە قۇجاتتاما سالاسىنداعى ۋاكىلەتتى مەملەكەتتىك ورگانمەن نەمەسە ارحيۆ سالاسىنداعى جەرگىلىكتى اتقارۋشى ورگانىمەن قۇرىلادى. 23. كوميسسيا توراعاسى كوميسسيا قىزمەتىن باسقارا­دى, وتىرىستاردا توراعالىق ەتەدى, جۇمىسىن جوسپارلايدى, جالپى باقىلاۋدى جۇزەگە اسىرادى جانە ونىڭ قىزمەتى مەن قابىلدايتىن شەشىمدەرى ءۇشىن جاۋاپكەرشىلىك اتقارادى. 24. كوميسسيانىڭ قۇرامىنا مەملەكەتتىك ارحيۆ بولىمشەلەرىنىڭ باسشىلارى مەن جۇمىسكەرلەردىڭ وكىلدەرى كىرەدى, ال باسشىلاردى اتتەستاتتايتىن كوميسسيانىڭ قۇرامىنا ارحيۆ ءىسى جانە قۇجاتتاما سالاسىنداعى ۋاكىلەتتى مەملەكەتتىك ورگاننىڭ نەمەسە ارحيۆ سالاسىنىڭ جەرگىلىكتى اتقارۋشى ورگانىنىڭ بولىمشە باسشىلارى مەن جۇمىسكەرلەرى كىرەدى. 25. كوميسسيانىڭ بولماعان مۇشەلەرىن الماستىرۋعا جول بەرىلمەيدى. 26. كادر قىزمەتىنىڭ جۇمىسكەرى كوميسسيانىڭ حاتشىسى بولىپ تابىلادى. حاتشى تەحنيكالىق قىزمەت كورسەتۋدى جۇزەگە اسىرادى جانە كوميسسيانىڭ جۇمىس ىستەۋىن قامتاماسىز ەتەدى, كوميسسيا وتىرىسىنىڭ قورىتىندىلارى بويىنشا حاتتاما راسىمدەيدى جانە داۋىس بەرۋگە قاتىسۋ قۇقىعى جوق. 27. كوميسسيا مۇشەلەرى اتتەستاتتاۋدان جالپى نەگىزدەردە وتەدى, كوميسسيا قۇرامىنا كىرەتىن جۇمىسكەر وزىنە قاتىستى داۋىس بەرۋگە قاتىسا المايدى. 28. ەگەر كوميسسيا قۇرامىنىڭ ۇشتەن ەكi بولiگi قاتىسسا ونىڭ وتىرىسى قۇقىقتى بولىپ ەسەپتەلەدi. 29. كوميسسيانىڭ شەشiمi اشىق داۋىس بەرۋ ارقىلى قابىلدانادى. داۋىس بەرۋدىڭ ناتيجەلەرى كوميسسيا مۇشەلەرىنىڭ كوپشىلىك داۋسىمەن ايقىندالادى. كوميسسيا مۇشەلەرىنىڭ ەرەكشە پىكىر ايتۋعا قۇقىعى بار, ول بىلدىرىلگەن جاعدايدا, جازباشا تۇردە مازمۇندالۋعا جانە حاتتاماعا قوسا بەرىلۋگە ءتيىس. داۋىس تەڭ بولعان جاعدايدا كوميسسيا توراعاسىنىڭ داۋىسى شەشۋشi بولىپ تابىلادى. 30. كوميسسيا اتتەستاتتالانۋشى جۇمىسكەردى اتتەستاتتاۋدى ونىڭ قاتىسۋىمەن جۇرگiزەدi. اتتەستاتتالانۋشى جۇمىسكەردىڭ كوميسسيا وتىرىسىنا دالەلدى سەبەپتەرمەن (ەڭبەككە ۋاقىتشا قابiلەتسiزدiك, دەمالىستا بولۋى, كامەلەتكە تولماعان بالانىڭ سىرقاتى, جاقىن تۋىستارى قايتىس بولۋى, ءىسساپاردا بولۋى) كەلمەۋ جاعدايىنان باسقا ورىنسىز سەبەپتەرمەن قاتىسپاعاندا, اتتەستاتتاۋدان وتپەدى دەپ تانىلادى. اتتەستاتتالانۋشى جۇمىسكەر دالەلدi سەبەپ بويىنشا كوميسسيانىڭ وتىرىسىنا كەلە الماعان جاعدايدا, ونى اتتەستاتتاۋ ماسەلەسىن قاراۋ كوميسسيا بەلگىلەگەن كەيىنىرەك مەرزiمگە اۋىستىرىلادى. 4. تەستىلەۋ 31. تەستىلەۋ اتتەستاتتالانۋشىنىڭ تاڭداۋىمەن قازاق نەمەسە ورىس تىلىندە جۇرگىزىلەدى. باسشىلار ءۇشىن تەست سۇراقتارىنىڭ سانى 80, ال جۇمىسكەرلەر ءۇشىن– 60 سۇراقتى قۇرايدى. 32. تەست سۇراقتارى جىل سايىن, 1 اقپاننان كەشىكتىر­مەي جۇمىسكەرلەر ءۇشىن مەملەكەتتىك ءارحيۆتىڭ باسشىسىمەن, ال باسشىلار ءۇشىن ارحيۆ ءىسى جانە قۇجاتتاما سالاسىنداعى ۋاكىلەتتى مەملەكەتتىك ورگانىمەن نەمەسە ارحيۆ سالاسىنىڭ جەرگىلىكتى اتقارۋشى ورگانىمەن ازىرلەنەدى جانە بەكىتىلەدى. تەست سۇراقتارى جاۋاپتارىنىڭ بىرەۋى دۇرىس بولاتىن كەمىندە ءۇش نۇسقانى قامتۋعا ءتيىس. 33. تەستiلەۋ ناتيجەلەرi بالمەن باعالانادى جانە سول تاپسىرىلعان كۇنi حابارلانادى. ءاربiر تەست سۇراقتارىنىڭ دۇرىس جاۋابى ءبىر بالمەن باعالانادى. 34. تەستىلەۋ ناتيجەلەرىن وڭ دەپ تانۋ ءۇشىن نەگىز بولىپ تابىلاتىن دۇرىس جاۋاپتاردىڭ شەكتى دەڭگەيى تەستتەردە قامتىلعان سۇراقتار سانىنان باسشىلار ءۇشىن 80 %, ال جۇمىسكەرلەر ءۇشىن 70 %-دى قۇرايدى. تەستىلەۋ كەزەڭىنىڭ شەكتى دەڭگەيىنە جەتپەگەن جۇمىسكەرلەر سۇحباتتاسۋعا وتكىزىلمەيدى جانە قايتا اتتەستاتتاۋدان وتۋگە جاتادى. 5. سۇحباتتاسۋدى جانە قايتا اتتەستاتتاۋدى وتكىزۋ 35. اتقاراتىن لاۋازىمىنا سايكەستىگىنە جانە فۋنكتسيونالدىق مىندەتتەرىن ورىنداعاندا قۇزىرەت­تىلىگىنە سۇحباتتاسۋ اتتەستاتتالانۋشىنىڭ تاڭداۋىمەن قازاق نەمەسە ورىس تىلىندە جۇرگىزىلەدى. 36. كوميسسيا ۇسىنىلعان ماتەريالداردى زەردەلەيدى جانە اتتەستاتتالانۋشى جۇمىسكەردىڭ جاۋاپتارىن تىڭدايدى. اتتەستاتتالانۋشى جۇمىسكەردىڭ كاسىبي, ىسكەرلىك جانە جەكە قاسيەتتەرىن تالقىلاۋ شىنايى, سىپايىلىق جانە تىلەكتەستىك جاعدايىندا ءوتۋى قاجەت. 37. ۇسىنىلعان ماتەريالداردى زەردەلەۋ, تەستىلەۋ ناتيجەلەرى جانە اتتەستاتتالانۋشى جۇمىسكەرمەن سۇحباتتاسۋ ناتيجەلەرى بويىنشا كوميسسيا مىناداي شەشىمدەردىڭ بىرەۋىن قابىلدايدى: 1) اتقاراتىن لاۋازىمىنا سايكەس; 2) قايتا اتتەستاتتاۋعا جاتادى. كوميسسيا وڭ شەشىم شىعارعاندا جۇمىسكەردىڭ ءتيىستى بىلىكتىلىك ساناتىن (رازريادىن) بەلگىلەيدى (راستايدى), نە ونى بەلگىلەۋگە نەگىز جوق ەكەندىگىن كورسەتەدى. 38. قايتا اتتەستاتتاۋ باستاپقى اتتەستاتتاۋ وتكەن كۇننەن باستاپ ءۇش اي وتكەننەن كەيىن, وسى قاعيدادا انىقتالعان تارتىپتە وتەدى. قايتا اتتەستاتتاۋ ناتيجەلەرى بويىنشا كوميسسيا مىناداي شەشىمدەردىڭ بىرەۋىن قابىلدايدى: 1) اتقاراتىن لاۋازىمىنا سايكەس; 2) اتقاراتىن لاۋازىمىنا سايكەس ەمەس. اتقاراتىن لاۋازىمىنا سايكەس بولعان جاعدايدا كوميسسيا وسى قاعيدانىڭ 37-تارماعى ەكىنشى ابزاتسىن ەسكەرە وتىرىپ شەشىم قابىلدايدى. كوميسسيامەن اتقاراتىن لاۋازىمىنا سايكەس ەمەستىگى تۋرالى شەشىمدى قابىلداۋ اتتەستاتتاۋدىڭ تەرىس ناتيجەسى بولىپ تابىلادى. باسشىلار مەن جۇمىسكەردىڭ اتتەستاتتاۋداعى تەرىس ناتيجەسى ونى لاۋازىمىنان تومەندەتۋ ءۇشىن, ال ەگەر ول ۇسىنىلعان لاۋازىمعا ورنالاسۋدان باس تارتقان جاعدايدا, جۇمىستان بوساتۋ ءۇشىن نەگىز بولادى. 39. كوميسسيانىڭ باعالارى مەن ۇسىنىمدارى وتىرىسقا قاتىسقان كوميسسيا مۇشەلەرىمەن قول قويىلاتىن اتتەستاتتاۋ پاراعىندا بەلگىلەنەدى. 40. كوميسسيانىڭ شەشىمى وسى قاعيدانىڭ 2-قوسىم­شاسىنا سايكەس نىسان بويىنشا حاتتامامەن رەسىمدەلەدى, وعان ونىڭ وتىرىسىنا قاتىسقان كوميسسيا مۇشەلەرى مەن حاتشى قول قويادى. كوميسسيا شەشىمى اتتەستاتتاۋ وتكىزىلگەن كۇننەن باستاپ ءبىر ايلىق مەرزىمدە باسشىمەن بەكىتىلەدى. 41. كوميسسيا حاتشىسى اتتەستاتتالانۋشىنى كوميسسيانىڭ شەشىمىمەن تانىستىرادى. جۇمىسكەر اتتەستاتتاۋ پاراعىمەن تانىستىرىلعان سوڭ قول قويۋدان باس تارتسا, كوميسسيا حاتشىسىمەن كۇنى جانە قولى قويىلعان ءتيىستى جازۋ قالدىرادى. 42. اتتەستاتتاۋ پاراعى, قىزمەتتىك مىنەزدەمە, كوميسسيانىڭ شەشىمى اتتەستاتتالانۋشىنىڭ جەكە ىسىندە ساقتالادى. 6. كوميسسيا شەشىمىنە شاعىمدانۋ 43. جۇمىسكەر كوميسسيانىڭ شەشىمىنە قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپپەن شاعىمدانۋعا قۇقىعى بار. 44. وسى قاعيدا تالاپتارىنىڭ بۇزىلعاندىعى انىقتالعان جاعدايدا باسشى بۇيرىقتى وزگەرتۋگە جانە قايتا اتتەستاتتاۋ تاعايىنداۋعا قۇقىعى بار. قايتا اتتەس­تاتتاۋ وسى قاعيدانىڭ 38-تارماعىنا سايكەس جۇرگىزىلەدى. قازاقستان رەسپۋبليكاسى مەملەكەتتىك ارحيۆ مەكەمەلەرىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارىنا 1-قوسىمشا نىسان اتتەستاتتاۋ پاراعى اتتەستاتتاۋ ءتۇرى: كەزەكتى ____ قايتادان ءوتۋ ___(كەرەگىن ح بەلگىسىمەن بەلگىلەڭىز). 1. اتى-ءجونى, تەگى _____________________________________________ ____________________________________________________________________ 2. تۋعان كۇنى «___»_______________________جىلى. 3. ءبىلىمى, بىلىكتىلىگىن ارتتىرۋ مەن قايتا دايارلانۋى تۋرالى مالىمەتتەر (قاشان جانە قانداي وقۋ ورنىن تامامداعان, ءبىلىمى بويىنشا ماماندىعى جانە بىلىكتىلىگى, بىلىكتىلىگىن ارتتىرۋ جانە قايتا دايارلانۋ تۋرالى قۇجاتتار, عىلىمي دارەجەسى جانە عىلىمي اتاعى, ولاردىڭ بەرىلگەن كۇنى) ____________________________________________________________________ ____________________________________________________________________ ____________________________________________________________________ 4. اتقاراتىن لاۋازىمى مەن تاعايىندالعان كۇنى, بىلىكتىلىك ساناتى(رازريادى) ____________________________________________________________________ ____________________________________________________________________ 5. جالپى ەڭبەك ءوتىلى - ________________________________________ 6. وسى لاۋازىمداعى جالپى ەڭبەك ءوتىلى:_____________________________ 7. اتتەستاتتالانۋشى تىكەلەي باسشىسىنىڭ قىزمەتتىك سيپاتتاماسى نەگىزىندە قىزمەتىن باعالاۋ _________________________________ ___________________________________ _________________________________ 8. وتىرىسقا اتتەستاتتاۋ كوميسسياسىنىڭ _______ مۇشەسى قاتىستى. 9. داۋىس بەرۋ ناتيجەسى بويىنشا, اتتەستاتتالانۋشىنىڭ قىزمەتىن باعالاۋ: 1) اتقاراتىن لاۋازىمىنا سايكەس __________________________; (داۋىستار سانى) 2) اتتەستاتتاۋدان قايتادان وتۋگە ءتيىس _________________________; (داۋىستار سانى) 3) اتقاراتىن لاۋازىمىنا سايكەس ەمەس _____________________; (داۋىستار سانى) 10. بىلىكتىلىك ساناتىن بەرۋ: 1) ________________ (جازباشا) بىلىكتىلىك ساناتىنا سايكەس; 2) ________________ (جازباشا) بىلىكتىلىك ساناتىن بەرۋ ءۇشىن نەگىز جوق. 11. اتتەستاتتالانۋشىنىڭ پىكىرى: _______________________________ 12. اتتەستاتتاۋ كوميسسياسىنىڭ ۇسىنىمدارى (ولاردىڭ قاي سەبەپتەرمەن بەرىلگەنىن كورسەتە وتىرىپ): _______________________________________. اتتەستاتتاۋ كوميسسياسىنىڭ توراعاسى: __________________ (قولى) اتتەستاتتاۋ كوميسسياسىنىڭ حاتشىسى: ___________________ (قولى) اتتەستاتتاۋ كوميسسياسىنىڭ مۇشەلەرى: ________________(قولدارى) اتتەستاتتاۋدى وتكىزۋ كۇنى 20___ جىلعى «___» __________ اتتەستاتتاۋ پاراعىمەن تانىستىم: _________________________ ______________________________(ازاماتتىق قىزمەتشىنىڭ قولى مەن قول قويعان كۇنى). قازاقستان رەسپۋبليكاسى مەملەكەتتىك ارحيۆ مەكەمەلەرىنىڭ ازاماتتىق قىزمەتشىلەرىن اتتەستاتتاۋدان وتكىزۋ قاعيدالارىنا 2-قوسىمشا نىسان اتتەستاتتاۋشى ۇيىمنىڭ باسشىسىمەن بەكىتىلگەن _____________________________________قولى (قولىنىڭ ماعىناسىن اشۋ) 20___جىلعى «___»_________________________ ______________________________________________________________ (مەملەكەتتىك ءارحيۆتىڭ اتاۋى) № _____حاتتاما وتكىزىلگەن ورنى وتكىزىلگەن كۇنى كوميسسيا توراعاسى: كوميسسيا حاتشىسى: كوميسسيا مۇشەلەرى: قاتىسقاندار: (اتتەستاتتالانۋشىلار جۇمىس ىستەيتىن بولىمشەلەردىڭ باسشىلارى مەن باسقا دا شاقىرىلعانداردىڭ اتى-ءجونى, تەگى) _________________________________________ اتتەستاتتاۋ ماتەريالدارى قارالدى (اتى-ءجونى, تەگى, لاۋازىمى, قۇرىلىمدىق بولىمشە) اتتەستاتتالانۋشىعا قويىلعان سۇراقتار جانە ونىڭ جاۋاپتارى_____________ _______________________________________________________________ اتتەستتاۋ كوميسسياسى مۇشەلەرىنىڭ ءوز شەشىمىنە نەگىزدەمە: _______________________________________________________________ _______________________________________________________________ _______________________________________________________________ داۋىس بەرۋشىلەر سانى: قولدادى _______; قارسى_______. اتتەستاتتاۋ كوميسسياسىنىڭ توراعاسى: __________________ (قولى) اتتەستاتتاۋ كوميسسياسىنىڭ حاتشىسى: ___________________ (قولى) اتتەستاتتاۋ كوميسسياسىنىڭ مۇشەلەرى: ________________(قولدارى) 20___ جىلعى «___» ____________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12737 بولىپ ەنگىزىلدى.